Ինչպես վարունգը աղ դնել

Ինչպե՞ս կարելի է շատ հեշտ ու արագ համեղ, անուշաբույր ու խրթխրթան վարունգ պատրաստել։ Դրա համար Ձեզ անհրաժեշտ է մեկ կիլոգրամ վարունգ, 1 ճաշի գդալ աղ, 2-3 պճեղ սխտոր, կանաչի, պղպեղ (ըստ ճաշակի), երկու թեյի գդալ գինձ ու մանանեխ։

Պատրաստման եղանակը. պետք է լվանալ վարունգները եւ կտրատել, մի առանձին կաթսայի մեջ լցնել աղը, համեմունքները, մանրացված սխտորն ու կանաչին։ Այնուհետեւ անհարժեշտ է վերցնել ապակե կամ պլաստիկ մեկ այլ տարա եւ սկզբում դնել վարունգի շերտը, հետո համեմունքներինը... այս գործընթացը հերթականությամբ կրկնել այնքան, մինչեւ մթերքները սպառվեն։ Տարան փակեք կափարիչով եւ մի լավ թափահարեք։

Այսպիսով ուտեստը պատրաստ է, մնում է միայն մեկ ժամ սպասել։ Այս ընթացքում կարելի է պատրաստել մի հագեցնող խավարտ, հրավիրել ընկերներին սեղանի շուրջ եւ վայելել այն։ Բարի ախորժակ։

Հարցեր, պատասխաններ, մեկնաբանություններ